Berceuse... Euh... Non... Canchon dormoire...!
LE P'TIT QUINQUIN
Alexandre Desrousseaux
"Dors, min p'tit quinquin,
Min p'tit pouchin, min gros rojin
Te m'fras du chagrin
Si te n'dors point ch'qu'à d'main
Ainsi, l'aut' jour eun' pauv' dintellière,
In amiclotant sin p'tit garchon
Qui d'puis tros quarts d'heure, n'faijot qu'braire?
Tâchot d'linformir par eun' canchon
Ell' li dijot : min Narcisse,
D'main, t'aras du pain n'épice
Du chuc à gogo
Si t'es sache et qu'te fais dodo !
Dors, min p'tit quinquin
Min p'tit pouchin, min gros rojin
Te m'fras du chagrin
Si te n'dors pas ch'qu'à d'main
Et si te m'laiche faire eun'bonn'semaine
J'irai dégager tin biau sarrau,
Tin pantalon d'drap, tin giliet d'laine...
Comme un p'tit milord te s'ras farau !
J't'acat'rai, l'jour de l'ducasse
Un porichinell' cocasse,
Un turlututu,
Pour jouer l'air du capiau-pointu...
Dors, min p'tit quinquin
Min p'tit pouchin, min gros rojin
Te m'fras du chagrin
Si te n'dors pas ch'qu'à d'main
Nous irons dins l'cour Jeannette-à-Vaques
Vir les marionnett's.
Comme te riras,
Quand t'intindras dire : "Un doup pou' Jacques !"
Pa' l'porichinell' qui parl' magas
Te li mettras din s'menotte,
Au lieu d' doupe, un rond d'carotte !
It' dira merci !...
Pins' comme nous arons du plaisir !...
Dors, min p'tit quinquin
Min p'tit pouchin, min gros rojin
Te m'fras du chagrin
Si te n'dors pas ch'qu'à d'main
Et si par hasard sin maite s'fâche,
Ch'est alors Narcisse, que nous rirons !
Sans n'n'avoir invi', j'prindrai m'n air mache
J'li dirai sin nom et ses surnoms,
J'li dirai des faribolles
I m'in répondra des drôles
Infin un chacun
Verra deux pestac' au lieu d'un
Dors, min p'tit quinquin
Min p'tit pouchin, min gros rojin
Te m'fras du chagrin
Si te n'dors pas ch'qu'à d'main
Allons serr' tes yeux, dors min bonhomme
J'vas dire eun' prière à P'tit Jésus
Pou' qu'i vienne ichi, pindant tin somme,
T'fair'rêver qu'j'ai les mains plein's d'écus,
Pour qu'i t'apporte eun'coquille,
Avec du chirop qui guile
Tout l'long d'tin minton,
Te poulèqu'ras tros heur's de long !...
Dors, min p'tit quinquin
Min p'tit pouchin, min gros rojin
Te m'fras du chagrin
Si te n'dors pas ch'qu'à d'main
L'mos qui vient, d'Saint'Nicolas ch'est l'fête
Pour sûr, au soir, i viendra t'trouver
It' f'ra un sermon, et t'laich'ra mette
In d'zous du ballot, un grand painnier.
I l'rimplira, si tes sache,
D'séquois qui t'rindront bénache,
San cha, sin baudet
T'invoira un grand martinet
Dors, min p'tit quinquin
Min p'tit pouchin, min gros rojin
Te m'fras du chagrin
Si te n'dors pas ch'qu'à d'main
Ni les marionnettes, ni l'pain n'épice
N'ont produit d'effet.
Mais l'martinet
A vit' rappajé l' petit Narcisse,
Qui craignot d'vir arriver l'baudet
Il a dit s'canchon dormoire...
S'mèr' l'a mis dins s'n ochennoire :
A r'pris sin coussin,
Et répété vingt fos che r'frain.
Dors, min p'tit quinquin
Min p'tit pouchin, min gros rojin
Te m'fras du chagrin
Si te n'dors pas ch'qu'à d'main..."
Pour tout un tas de raisons ce soir...!
Pour les souvenirs personnels qui y sont accrochés.
Le simple fait de la relire me rajeunit de quelques dizaines d'années...!
Il me semble alors entendre la voix de ma grand-mère la fredonner tout doucement au creux de mon oreille, sa main me caressant les cheveux...
Pour les gens du Nord auxquels je pense !
Alors... Pour toi Véro... Forcément...!
Et avec aussi une pensée pour ma soeur...
Et une autre pour ma belle Lilloise-Niçoise-Rennaise...!
Et, même si je sais que ce n'est pas là le genre de berceuse que tu chantes à ta petite-fille, je suppose que tu as bien dû, comme moi, parfois t'endormir en l'entendant... ;-) !
Tu me manques.
...